Velkomin á síðu Parísardömunnar, Kristínar Jónsdóttur.
ATHUGIÐ: Er með fjóra miða á Orsay-safnið til sölu. Þeir eru keyptir á netinu og til að prenta þá út, þarf að gefa upp nafn þess er notar miðann. Hafið samband á parisardaman hja gmail.com
PARÍSARDAMAN TEKUR VIÐ PÖNTUNUM Í FERÐIR:
Hér eru upplýsingar um gönguferðir mínar um París, leiðalýsingar og dagskrá. Gönguferðirnar taka um 2 1/2 til 3 klst og allar ferðir þarf að panta.
Hafið samband til að panta ferð, hikið ekki við að biðja um daga sem ykkur henta, og fá nánari upplýsingar. París er skemmtileg alla daga og Parísardaman er tiltæk í ferðir næstum hvenær sem er.
Ferð fyrir einn til tvo fullorðna kostar 30 evrur á mann. Ef þátttakendur eru þrír til fimm, lækkar verðið strax niður í 25 evrur á mann. Ef þátttakendur eru fleiri en fimm, fer verðið niður í 20 evrur á mann. 16-20 ára: 15 evrur, ókeypis fyrir börn yngri en 16 ára. Parísardaman auglýsir ferðirnar um leið og pöntun berst, þannig að meiri líkur eru á að ná verðlækkun ef pantað er með góðum fyrirvara. - Sértilboð fyrir hópa.
Smáauglýsingasíðan tekur við auglýsingum um íbúðir til leigu í París eða annað sem við kemur ferðum til eða frá Frakklandi. Auglýsingarnar eru ókeypis. Til að koma að auglýsingu hafið samband : parisardaman hja gmail.com
Ekki hika við að senda mér tölvupóst ef einhverjar spurningar vakna. Og ekki hika við að ítreka póstinn ef ég svara ekki fljótt og ef auglýsingar birtast ekki.
---
MÁLÞING Á ÍSLENSKU Í CAEN - FRAKKLANDI
Allir fyrirlestrar verða á íslensku, utan einn. Sjá allar upplýsingar hér: http://www.unicaen.fr/recherche/mrsh/erlis/6559
---
STUTTMYND LEITAR STYRKTARAÐILA
Auðdís Tinna er hugrökk, dugleg og skemmtileg stúlka sem er að ljúka BA prófi í kvikmyndagerð í París. Lokaverkefnið er stuttmynd. Skólinn sér henni fyrir tækjum, en allur annar kostnaður fellur á hana sjálfa. Hún er að leita að styrktaraðilum. Hér má lesa allt um verkefnið og ef til vill styrkja: http://www.indiegogo.com/projects/love-and-other-bodily-functions